غــزل مـن الاحـواز>> كــــلام الـــروح >>للشاعر فاضل الأحــوازي

خــــافـــــــــوا مـــــن مــتــت لـجـــنــه مــــا ودوك

تــتــعـــارك عــلــــيـــك ألــــشــيـعــه وألـــســـنـــه

ودوك الـــجــهـنــــم بــيــهـــــه مــــــا خـــــلـــوك

خــافـــــــــوا مـــن جــهـــنـــم تــنــقــلــب جـــنـــه

يـــا جـنـه الـتـفـك الـبـاب جـهـنــم تـصــرخ أبــونــه

مـن غـيره وحسـد يـا صاح حـتى الورد شلعنـه

مـاخـلـن عـشـب واشـجار،اخضر مـا يحـرقـنـه

والـبــرعُــم عجب مـسكـيـن بــالاقـــدام داسـنـه

حتى اللــي شـبـه يـوسف بـدون أحراج طلعـنـه

يـا اسـود شعــر يـا لـيـل شـعـرك هـــاذ جــنـنـه

والمظفــور عالـكـتـفـيـن،مـلك الـمـوت راونــه

يـاعـيـن الـمهـا عـيـنـاك،رمش وسيـوف ذبحنـه

سبحــانـه الــرسـم عيناك أكـــيد أكـــفـوفه باسنـه

يـا حـاجـب هـِلال الـعـيـد يـا قـوس القـزح مـِنـه

تـفــاح الـورا النفـنوف سَن سيـف العــرب سَـنـه

يــالـون الـخـمـار الـبـيـك رمـان أبـوســط حـنـه

والضامي أبصحاري الشـوق بس أشفـاك يـرونـه

يـا قـيـمــر تــرف خـديـك مسـتـنـقـع زبــد چـنـه

يــامــرمــرمــن البلـــورمـــن شــافـه الثلـج ثنـه

خلخالك حنـيـن الـنــــاي حتــى الـــمـات بـچـنـه

يـارنه اليهـزهــه الســاق خلت كــل حــزن غنـه

مـا ادري شفاتــك نـار مـَـدري اسخونه صـابنـه

شميتك يــا روح الطيب يــا عــِـز طيب اشمنـه

أريــد اسمــك وسط قــلبي أريـــد اهناك ادفننه