ســألتك..؟ للشاعر : فاضل الأحوازي

بعــد مـو مـثـل الاول امشـي ويــاك

ولا خلـي اعلـى راسـك تــاج سـلـطان

قلت هـــذا الـوطن يـرجـع ولــو زور

وقلت لأســم الشهــاده اتصيـر عنــوان

ســألتك هـالـطـريـق الخــاتـمـه اعــدام

قلت حـبـل الـمشــانــق وانــه خـــوان

قـبــل دمـعـك يـهــاجــم غـــــربــة اليل

وآهـــاتك ســوالف تــروي الاحـــــزان

شفـت مركب عـدونـه ابـوسطه الامـواج

قـلت غــرقـــان بـيــدي وانــه طــوفـان

عجــب وقـت الـصـدق مــابـيـنـت لـيـش؟

وحــرجــت النضـــال ابغـيـــر مــيـــزان

سـألـتـك ويــن درعـك ويــن الــسيــوف؟

قلـت حـل الـتـقـاعــد ، بعـت الحصـان

ســألـتـك والــعــواصـف شــَبــت الـنـار

قلت تطفـى رمـــاد وصـفحـه نسيــان

ســألـتـك والـمـبـادئ تـبـچـــی ویـــای

قـلـت بـیـــع الـمبـادئ خـلهـه دكــــان

قـلـت اضلـوعـي چـیـمه وقلبي چانون

عجـب نکـریـت اخوک الصـاح بـردان

سالتك هــالـيـــأس هـــم شيـمـة ارجال؟

ضحكـت ابصـوت عـالـي وقلت بطـران

أريــدك زيــن تسمع يــأللــي بـعـــديـت

يــألـچـانـــو یــنـــادونــک أبـــوافــلان

يــألأسمـك جــمــد مـــن دون الاسماء

وشــجــاب الـثـلـج فی وسطه نــیــران؟

يـــرد زاهـــي الــوطـن بـيـك وبـليــاك

مـــادام الـضـمــايــر كــلهـه بـــركـــان

تــظل شمس الـمعــالــي شـمـس الاحــواز

ويـظـل دم الـشهــيـد الــيـسـقــي بسـتــان

واذا عـــــزم الــرجـــال ومـثــلك إنــهــار

يـظـل عـــالــي عـلـمنـه وبـيــد نـســـوان

ahwazi_fadel@yahoo.com