***********************
وعيده...
وحـق رمضـــان وصيامــه وعيــده
وحـــلاة الرجــل مـن يوفـي وعيــده
يــوم التحريــر هـم يـوصـل وعيــده
أو نـعيـّد بـالوطـن كلنـه سويــه
**********************
من تراب...
قســم بـاللـي خلــق ادم مـن تــراب
وحـليب أسبــاع روبتنـه مـن تــراب
إذا رايــد ولـد صـالــــح مـن تــراب
علمه يموت من اجل القضيه
*************************
وشيعه....
الك ســــر مــا ابــوحنــه وشيعــــه
ولا اتبــــع شخص جاهــل وشيعــه
ابـد لتقـــول مـــن سنـــه وشيعــــه
يـظل احـوازنه ‘ هــــــو الهويـه
*****************************
عزاماي...
انـه احـوازي جبـــل شامــخ عـزامــاي
وعــزمت المــوت يتفضــل عـزامـــاي
نـويت وللـوطـــن راجـــع عـزامـــأي
أكحـل العيــن بترابــه الشفيـــه
********************
ولفطار...
بسحــوري دوم أذكــرنـك ولفطــار
وبغيابــك كثــرن جروحــي ولفطــار
ألـــف ذنــــب انمحــه منـك ولفطــار
لان رمضــان والـرحمــه هـديـه
************************
وعوده...
حـــلاة الــرجــل مــن يـوفـي وعــوده
وزمــان الفـــات شيــرجعــه وعـــوده
شهيــد الحــق ينــــاصرنــه العــــوده
يـظل اسمـك فخـر لأهـل القضيــه
**************************
كــَـل كــَـل...
زمـن اســـود ســـواد اليــل كــل كــل
وأخــذ مــــن الصبــر فنجــان كـل كــل
جــرح قلبــي علـى الأوطــان كــل كـــل
مثل مشخال ماينفع سجيه
***********************
وكاسي...
تـَرِس وِملي الصبر كاسك وكــاسي
ولحم قـَطع مـــن اچتافـــي وكــاسي
إذا هَـب الهوى ألعـــذبي وكــاسي
يـذكـرك بـالوطـن صبـح ومسيـه
***************************
وقصداك...
إلك امشـــي العمـــر كله وقصداك
ويضل مفهوم مقصودي وقصداك
ألف ديـــوان إلك شعري وقصداك
لان انته الوطن وانه الضحيه
**************************
وجرماي...
رويت البحــرمن دمعي وجرماي
ولقيت اسم الوطن كوكب وجرماي
إذا حب الوطـــن ذنبــي وجرماي
رمي و إعدام طبقوهن عليه
*************************
ولك راح...
عجب هاون يدق صبرك ولك راح
وإلك طيبـة نفس تزهي ولك راح
ابــد لــتقـول مـوطنــه ولك راح
الوطن موجود عند أهل الحمية
************************
وترسات...
سِيول الوطن من دمعي وترسات
وسفن حُبه وسط روحي وترسات
يـدق عـود القلـب خمسه وترسات
وعميت العود وعيوني سويه
***************************
دارمي..
هـم أليالـي تعـود ونرجـع للاحــواز؟
نجتمـع بالأحبــاب ونشـوف العـزاز؟
*********************
يسألنـي ملك المــوت روحــك شجاهـا؟
قتلــه الـــوطـن يــا شيـخ هــو الـخذاها
*************************
زهيريات
يا صاح قضيت العمر ما صحتِش راحلي
ما لوم كثـر الصبـر تطحن صبر راحلي
لفرح بعد باليجي ولـحزن علـى الراحلي
من حيث هذا اليجي مثل الجفـاك وراح
وخلصت عمري أسنين اصفق الراح أبراح
إن كان عندك صبـر تطحن صبر بـالراح
انه جفاني الصبـر و حتـى الطحن راحلي
******************************
يـا تــايه الــراي رايـــك مــا تـقـلي شِله؟
سهم الخصم لكلاي من صوب وجدك شله
خاب الذي شَيّه أطيوره وطير الأجانب شله
شـو تبعد أعضـاك وأعضـاء غيـرك تـرد
مـايــك تبــديه ومــن مــاي غيـــرك تـرد
لــوصرت صاحب فكر منهه تجوز وتـرد
بحرك من يشف الماي بلمك تراه شله
*****************************
وين الخّوي الينتخي مني الجسم مونحَل
خصمي عليه اعتده من الطبيعة مونحل
مكتف بهــــذا الـــوكت من الجنح مونحل
وكــل البجسمي والحشى ومحد نشد شَل بيك
صواب البغيرك شَدِخ شِبه شَل التِبن شل بيك
ذاك الـــذي بيه الشلل حـَــــط الشلل شل بيك
من هذا موتي قرب ومني الجسم مونحل
*************************
دنياي تمطر حزن من اسمع ابهم إلك
وجيك كـلـي هِمم مـــا هـم إلي هم إلك
لو صِرت مية وصل ارجع ورد هم إلك
مـــن حيث أصلك وفـي محد قدر يوصلك
و هــذا الــذي توصـــله لابــــد أن يوصلك
أصل ألوصيه الوطن هذا الوصي يوصلك
ولـــعاشــرك فـد يوم لا ما خسر هــم مُـلك
فاضل الأحوازي...ahwazi-fadel@yahoo.com
0 التعليقات:
إرسال تعليق